Pas përfundimit të sfidës së ullinjve, në fermë ka mbërritur një tjetër zarf nga Agai, këtë herë me një vendim të rëndësishëm për grupin humbës. Zarfi u lexua nga kryefermeri Andrea, i cili njoftoi fermerët për pasojat e humbjes në këtë sfidë.

Sipas mesazhit të Agait, për herë të parë do të ketë pesë fakirë në fermë. Elinara, Frederiku, Big Basta, Erandi dhe Andueli  pjesë e grupit humbës ata janë të detyruar të zhvendosen në shtëpinë e fakirit, si ndëshkim për humbjen në sfidën e vajit të ullirit. Gjithashtu ata duhet të mbarojnë punët në stallë për ditët në vazhdim.

Tensioni u ndje në ajër, ndërsa fermerët bënë gati sendet e tyre dhe u përgatitën për të ndjekur urdhrin e Agait sapo ai të jepte sinjalin. Me këtë lëvizje, dinamika në fermë pritet të ndryshojë ndjeshëm, duke vënë në provë marrëdhëniet, durimin dhe forcën të pesë fakirëve të rinj.