Në fermë puna vazhdon me ritëm, por jo çdo gjë po ecën në qetësi. Ndërkohë që fermerët janë të angazhuar në detyrat e tyre, në kuzhinë situata është më e tensionuar. Big Mama dhe Big Basta, të caktuar për të kujdesur për pastërtinë dhe organizimin e kuzhinës, janë kthyer sërish në qendër të vëmendjes për përplasjet e vjetra që po ringjallen.

. Ishte Big Basta ai që e nisi me kunja, duke i kujtuar Big Mamës ato që ajo kishte shkruar për të:
“Po si kishe shkrujtur një mijë e një të zeza për mua…” – tha ai me ironi, ndërsa vazhdonte të pastronte. Reagimi i Big Mamës nuk vonoi. Me të njëjtin ton thumbues, ajo ia ktheu menjëherë:
“Normal, mos do të të lavdëroj?”

Nuk është hera e parë që Big Mama dhe Big Basta përplasen. Që në fillim të qëndrimit të tyre në fermë, marrëdhënia mes tyre ka qenë e trazuar. Zënka të vogla, shkëmbime fjalësh të forta dhe tension i vazhdueshëm kanë karakterizuar bashkëpunimin e tyre. Ata duket se nuk e gjejnë gjuhën e përbashkët, madje as kur janë të detyruar të punojnë afër njëri-tjetrit.