Ashtu si në kuzhinë, edhe në stalla puna ka nisur herët në mëngjes. Me urdhër të kryefermeres së javës, Ester, fermerët janë shpërndarë në detyrat e përditshme, duke vënë në lëvizje të gjithë punët e fermës.

Të parët që janë drejtuar drejt stallave kanë qenë Frederiku dhe Ylli. Të dy janë veshur me uniformën e punës dhe kanë shkuar drejt stallave. Frederiku është kujdesur për gomarin e fermës, Ozin. Ai e ka nxjerrë atë nga stalla dhe e ka çuar në bar për ta ushqyer. Nga ana tjetër, Ylli ka marrë një kovë me  misër dhe është nisur drejt kotecit të pulave, duke i ushqyer ato me kujdes. Një moment i veçantë ka qenë kur Frederiku ka filluar t’i mësojë Yllit si të flasë në gjuhën letrare shqipe, duke e korrigjuar mes punës në stallë.

Teksa Frederiku qëndronte me Ozin në bar, Ylli ka vijuar punën duke ushqyer lopët dhe më pas dhitë e fermës, duke përmbushur të gjitha detyrat e mëngjesit  të dhëna nga kryefermerja me përkushtim.