Ditën e sotme, puna në fermë ka vijuar me ritmin e zakonshëm, por gjithashtu me momente të bukura dhe të veçanta që tregojnë lidhjen e fermerëve me kafshët dhe natyrën.

Kryefermerja e javës, Ester, ka sjellë një atmosferë pozitive duke krijuar një moment të veçantë me gomarin më të dashur të fermës, Ozin. Ajo e ka “intervistuar” Ozin në një mënyrë të shkujdesur, duke e pyetur për përvojat e tij në fermë dhe jetën e përditshme aty. “Si po të duken ditët e fundit në fermën VIP?”  i ka thënë Esteri, ndërkohë që Frederiku improvizoi në vend të Ozit, duke shtuar humor dhe ngjyra në atmosferën e fermës. Nga ana tjetër, punët në fermë po vazhdojnë me përkushtim. Fermeri Ylli po kujdeset për kafshët, duke i dhënë ushqim dhe duke i pasur gjithmonë nën vëzhgim.

Elinara, me shumë dashuri, kujdeset për dosën e fermës, e cila ka disa gica të vegjël. Ajo i flet përkëdhelur dhe me fjalë të ëmbla, duke treguar lidhjen speciale që ka me ato. Ndërkohë, Andrea punon në tokë, duke u kujdesur për bimët dhe siguruar që ato të rriten si duhet. Në një tjetër moment, Erandi dhe Frederiku janë parë duke realizuar një intervistë të veçantë me dosën, për të mësuar më shumë rreth “eksperiencës së saj në fermë”. Pas kësaj, Frederiku u nis për të ujitur bimët në tokat bujqësore të fermës.