Pakënaqësitë ndaj kryefermerit Andrea duket se nuk kufizohen vetëm në stalla. Një tjetër kritik vjen nga kuzhina, ku fermerja Nenna ka shprehur hapur mospajtim me mënyrën si Andrea po e menaxhon situatën si drejtues i javës. Sipas saj, puna që i është dhënë është e tepërt dhe e padrejtë krahasuar me të tjerët.

Në një bisedë me Erandin, ajo shprehet e revoltuar:
“Unë i bëj punët, ama janë shumë. Budalle nuk mundet të më bëjë ai mua.”

Erandi, duke vënë re gjendjen e saj të tensionuar, përpiqet ta qetësojë me fjalë të ngrohta:
“Janë gjithë për të ikur dhe mundohen të tregojnë veten, mos u mërzit.”

Për të sjellë një frymë pozitive dhe për ta larguar disi stresin nga situata, Erandi më vonë del jashtë dhe mbledh disa trëndafila për t’ia dhuruar Nennës. Ky gjest i vogël, por me shumë vlerë, prek Nennën që e përqafon dhe i shpreh mirënjohje për kujdesin.

Ndërkohë, tensioni në rritje në fermë vë në pikëpyetje udhëheqjen e Andreas. Si do të përballet ai me këto akuza?