Edhe pse pas debateve dhe tensioneve të ditëve të fundit, mëngjesi në fermë ka nisur ndryshe për disa prej banorëve. Këtë herë, atmosfera është zbutur nga një gjest i veçantë dhe plot dashuri mes fermerëve Erandi dhe Ester. Fermeri Erandi ka vendosur të surprizojë Esterin duke i çuar mëngjesin në krevat, një moment që është pritur me shumë emocion nga ana e saj. “Jeta ime,” ishte reagimi i parë i Esterit, e cila u shfaq e befasuar dhe e lumtur nga ky gjest i papritur. Pas mëngjesit, dy fermerët u panë duke qëndruar së bashku në krevat, ku me shumë humor e batuta luajtën rolin e “burrit dhe gruas”. Kjo skenë argëtuese është ndjekur me buzëqeshje edhe nga fermerët e tjerë. Për të kompletuar këtë mëngjes të mbushur me ndjenja dhe energji pozitive, edhe Andueli ka kontribuar me një “shfaqje live”, duke kënduar me zërin e tij. Momenti më i ëmbël ka ardhur në fund, kur Ester e ka falënderuar Erandin me një puthje në faqe një shenjë mirënjohjeje që ka bërë që mëngjesi të mbyllet në mënyrën më të bukur të mundshme.