Mëngjesi ka rënë në fermë, por fermerët këtë herë nuk janë zgjuar si zakonisht. Ndryshe nga ditët e tjera, ku përgjumja dhe lodhja zvarrisnin zgjimin, këtë mëngjes Agai ka vendosur që t’i japë një ritëm tjetër ditës së re. Ai ka surprizuar fermerët me një zgjim të pazakontë një kombinim alarmi dhe muzike, që jehon në të gjithë fermën.

Reagimi i parë nuk ka vonuar! I pari që del nga gjumi, plot energji dhe humor, është Big Basta. Ai zgjohet me kërcim, buzëqeshje dhe duket se e përqafon menjëherë atmosferën ritmike që ka krijuar Agai. Big Basta fillon ditën i ngarkuar me pozitivitet, duke sjellë edhe një valë entuziazmi në fermë.

Me kalimin e minutave, edhe fermerët e tjerë fillojnë të zgjohen, disa më të hutuar, të tjerë ende të përgjumur, por e gjithë atmosfera duket më ndryshe. Muzika dhe surpriza e mëngjesit i ka dhënë një tjetër frymë fermës dhe ka ndikuar pozitivisht në nisjen e rutinës së përditshme.

Agai duket se ka goditur në shenjë me këtë mënyrë kreative për të motivuar fermerët dhe për t’i larguar nga gjumi monoton i mëngjeseve të zakonshme.