Ndërkohë që dita vazhdon dhe çdo fermer është i angazhuar në detyrat e tij, në kuzhinë sot shkëlqen një energji ndryshe. Kujdesin për përgatitjen e mëngjesit e ka marrë përsipër fermërja Nenna, e njohur jo vetëm për aftësitë e saj në kuzhinë, por edhe për zërin e saj melodioz që ka tërhequr vëmendjen e publikut dhe fermerëve të tjerë që në ditët e para. Nenna, një ndër artistet brenda fermës, ka vendosur që përgatitja e ushqimit të mos jetë thjesht një detyrë, por një moment argëtues. Teksa përgatit mëngjesin për vete dhe banorët e tjerë, ajo ka filluar të këndojë, duke i dhënë kuzhinës një atmosferë të ngrohtë dhe pozitive. Këngët e saj kanë rezonuar në gjithë ambientin, dhe nuk kaluan pa u vënë re nga fermerët që po kalonin aty pranë. Nenna duket se ka zgjedhur të mbajë balancën me pozitivitet dhe art, duke treguar se ndonjëherë një këngë në mëngjes mund të bëjë më shumë se çdo fjalë.