Pas përfundimit të sfidave dhe punëve të sotshme , grupi humbës i përbërë nga Keisi, Andueli dhe Big Basta, është zhvendosur në shtëpinë e Fakirit, ashtu siç e parashikon rregulli i lojës. Pavarësisht kushteve më të kufizuara, të tre fermerët janë treguar të përmbajtur dhe të përkushtuar për të respektuar rregullat që Agai ka vendosur për shtëpinë e Fakirit.  Ata janë izoluar nga pjesa tjetër e fermës, duke ndjekur me përpikëri çdo udhëzim. Pas përfundimit të detyrave të ditës dhe ndërtimit të kasolles, fakirët janë mbledhur së bashku në hapësirën e tyre të përkohshme, ku vihet re Big Basta i përfshirë në sistemimin dhe rregullimin e shtëpisë. Ai ka marrë përsipër të organizojë ambientin, duke sjellë një frymë qetësie dhe rendi në grup. Përkundër mungesës së komunikimit me pjesën tjetër të fermerëve, atmosfera brenda shtëpisë së Fakirit duket e qëndrueshme dhe pa tensione. Fakirët po tregojnë përgjegjësi dhe qetësi, ndërsa presin rikthimin në pjesën kryesore të fermës.