Një moment argëtues, por edhe me një notë ironie, ka ndodhur ditën e sotme në verandën e Fermës VIP, duke sjellë buzëqeshje, por edhe një shkëmbim batutash mes fermerëve. Erandi dhe Elinara po shijonin qetësinë e pasdites në verandë, kur Elinara vendosi të shfaqte anën e saj artistike.

Ajo nisi të godiste tavolinën me ritëm, duke u futur plotësisht në rolin e një DJ-eje, duke imituar lëvizjet dhe pasionin për muzikën. Skena ishte komike dhe dëshmoi edhe një herë shpirtin e lirë të Elinarës.

Megjithatë, Erandi nuk e la pa komentuar këtë “performancë”. Me humorin e tij karakteristik, ai iu drejtua Elinarës: “Mos bëj kështu se je 50-vjeçe, nuk të ka hije!” Kjo shprehje, e thënë me shaka, i referohej energjisë rinore dhe sjelljes së lirshme të Elinarës, e cila pavarësisht moshës, shpesh herë shfaqet me një shpirt të ri.

Elinara, me shpejtësinë e saj të mendimit, nuk ngurroi t’i kthente përgjigje menjëherë: “Do të bëhem DJ!” Kjo batutë e saj dëshmoi edhe një herë se ajo nuk i merr për zemër kritikat, sidomos kur ato vijnë me humor dhe se është gjithmonë gati për të provuar gjëra të reja.

Ky moment i lehtë dhe plot shaka dëshmon dinamikën e marrëdhënieve brenda Fermës VIP dhe aftësinë e fermerëve për të krijuar momente argëtuese edhe në prag të finales së madhe.