Big Mama kishte përgatitur një vakt të shijshëm për fermerët, të gjithë ishin ulur në tavolinë për të ngrënë, por atmosfera nuk ishte ashtu siç pritej. Tensionet mes Anduelit, Andreas dhe Erandit shpërthyen sërish.

Dihet se marrëdhënia mes Anduelit dhe Erandit nuk ka qenë kurrë e qetë. Ata janë përfshirë shpesh në mosmarrëveshje, dhe kësaj here, një përplasje tjetër ka shpërthyer gjatë drekës. Një tjetër faktor që ka kontribuar në këtë tension është se Erandi, i cili ka pasur një lidhje të afërt me Big Bastën, duket se nuk ka asnjë simpati për Anduelin dhe Andrean. Siç shprehet Andrea, Erandi po përpiqet të faktorizojë veten dhe të krijojë drama të panevojshme.

Tensionet kishin filluar disa ditë më parë, kur Big Basta dhe të tjerët kishin marrë detyrën për të fshehur gjërat e fermës, duke krijuar lëvizje dhe aktivitete të papritura. Disa fermerë dyshojnë se këto aktivitete ishin një manovër për të krijuar kaos dhe për të mbajtur të gjithë të angazhuar në punë pa pasur kohë për të diskutuar më shumë për çështje të brendshme.

Ndërkohë, Erandi ka ruajtur qetësinë gjatë kësaj përplasjeje, duke theksuar se është e rëndësishme të ketë vetëbesim. Por, Andrea nuk ka hezituar t’i bëjë një koment të drejtpërdrejtë”Big Basta të zgjodhi që të eleminojë ty dhe jo  njërin prej nesh,” tha ai, duke aluduar për tensionet që mund të kenë ndikuar në atmosferën e përgjithshme të fermës.

Kjo përplasje ka shtuar edhe më shumë dyshime dhe mosbesim mes fermerëve, dhe është e qartë se marrëdhëniet brenda fermës po përballen me sfida të reja, duke bërë që të gjithë të rishikojnë pozitat dhe marrëdhëniet me njëri-tjetrin.