Mëngjesi ka rënë mbi fermë dhe bashkë me të ka nisur edhe dita e punës për fermerët e saj. I pari që zgjohet është Frederiku, i cili me energjinë e tij të zakonshme jep sinjalin e parë për një ditë plot angazhime. Pak më vonë, nga shtëpia e Njëshit del edhe Kryfermeri i javës, Ylli, i cili e merr rolin e tij me seriozitetin dhe përkushtimin.

Si pjesë e detyrës së tij, Ylli shkon nga njëri fermer te tjetri për t’i zgjuar dhe për t’u treguar detyrat që secili do të ketë për ditën. Por mëngjesi nuk kalon pa pozitivitet. Kur i afrohet Esterit, Ylli zgjedh një mënyrë jo të zakonshme për ta zgjuar: duke i kënduar me shaka “Moj bubërrec… zgjohu”.  Pas kësaj , ai vazhdon me organizimin e ditës  një proces aspak i lehtë. Ndërsa çdo fermer merr detyrën e tij, të ndara nga kryefermer ylli secili vazhdon me punët e  dhe përditshmërinë e tyre.