Në një ditë të mbushur me angazhime, punë dhe ritëm të shpejtë në fermë, dy nga fermerët kanë gjetur kohë për të qëndruar pranë njëra-tjetrës dhe për të ndarë momente të ngrohta. Ester dhe Alba kanë kaluar një pjesë të mirë të ditës në shoqërinë e njëra-tjetrës, duke shkëmbyer batuta, biseda të sinqerta dhe duke përforcuar lidhjen që kanë ndërtuar gjatë javëve të qëndrimit në fermë.

Dyshja njihen për marrëdhënien e mirë që kanë krijuar që në fillimet e formatit, por sot duket se kjo miqësi është thelluar edhe më shumë. Ester, e cila mban rolin e kryefermeres këtë javë, është ndoshta e vetmja që qëndron realisht pranë Albës në mënyrë të vazhdueshme dhe pa rezerva, në një fermë ku raportet shpesh ndryshojnë me ritme të shpejta.

Atmosfera mes tyre ka qenë e qetë dhe e ngrohtë, duke reflektuar edhe në dinamikën e përgjithshme të ditës në fermë. Të dyja kanë dhuruar buzëqeshje dhe momente pozitiviteti që janë ndjerë edhe nga fermerët e tjerë përreth.