Alba, në misionin e saj për të përgatitur mëngjesin për fermerët e fermës, e ndihmuar nga fermeri Big Basta, ka shtruar një tavolinë të bollshme dhe të shijshme. Ajo kujdeset për çdo detaj, duke menduar për të gjithë fermerët dhe për gatimet që do t’u pëlqejnë. Megjithatë, disa prej tyre duket se nuk kanë pasur dëshirë të bashkohen në mëngjesin e përgatitur me aq shumë dashuri. Pavarësisht kësaj, kryefermer Limi është ulur pranë Albës për të shijuar mëngjesin e sotëm. Mes tyre nuk kanë munguar as puthjet, duke treguar qartë marrëdhënien e ngushtë dhe të fortë që ata ndajnë, si dhe ecurinë e saj. Po ashtu dhe Ylli dhe Nur janë bashkuar tryezës të përgatitur nga fermerja Alba.  Megjithëse Alba duket disi e mërzitur për shkak të mungesës së pjesëmarrjes së disa fermerëve, ajo kupton se jo të gjithë kishin uri në atë moment. Disa prej tyre kanë vendosur të konsumojnë mëngjesin më vonë, duke lënë që dita të vazhdojë më pas me energji dhe punë të reja.