Pas angazhimit të djemve në kuzhinë, rradhën e punëve sipas ndarjes së kryfermeres Big Mama e kanë marrë vajzat e fermës. Me një stil komandues dhe plot energji, Big Mama i ka udhëhequr vajzat drejt stallave me thirrje si “Shpejt pas Big Mamës!” dhe “Gati tu!”, duke krijuar një atmosferë dinamike e plot ritëm që në nisje të ditës.

Të veshura me uniformat e punës dhe të shoqëruara me muzikë, fermeret kanë marshuar drejt stallave, ku i prisnin kafshët për t’u ushqyer dhe për t’u përkujdesur. Vajzat janë angazhuar me përkushtim dhe dashuri në detyrat e tyre, duke ushqyer dhe pastruar ambientet me kujdes të veçantë.

Ndarja e punëve nga kryfermerja e javës ka rezultuar efikase dhe ka sjellë një atmosferë të re bashkëpunimi dhe zbavitjeje në fermë. Momente funny dhe të papritura nuk kanë munguar në stallë, duke kthyer punën në një eksperiencë të këndshme për të gjitha vajzat. Duket se me Big Mamën në drejtim, organizimi i ditës jo vetëm që ecën mbarë, por edhe kthehet në një spektakël të vërtetë pozitiviteti dhe harmonie brenda fermës.