Pas një zgjimi të veçantë me lule dhe muzikë, dita në fermë ka vijuar me pozitivitet dhe energji të mirë. Fermerët janë mbledhur në verandën e fermës ku, në shoqëri të njëri-tjetrit dhe me filxhanët e kafes në duar, kanë ndarë çaste të ngrohta dhe biseda miqësore.

Kryfermerja Big Mama, pas zgjimit emocional që i dhuroi secilit prej tyre, ka marrë përsipër të organizojë punët e ditës. Në  kafen që ka konsumuar me fermerët, ajo ka ndarë detyrat ditore, duke përfshirë kujdesin për stallat, punët në kuzhinë dhe mirëmbajtjen e ambienteve të brendshme të fermës.

Bisedat mes fermerëve kanë qenë të mbushura me mirëkuptim, humor dhe batuta, duke dëshmuar se pavarësisht sfidave të jetës në fermë, atmosfera e bashkëjetesës po forcohet dita-ditës. Fryma e bashkëpunimit dhe energjia pozitive duket se do ta shoqërojnë këtë ditë të mbarë për fermerët.