Dita në fermë ka vijuar me një ritëm të qëndrueshëm pune, ku secili prej fermerëve ka marrë rolin e vet në përmbushjen e detyrave ditore. Kryefermeri Ylli, i cili po drejton me vendosmëri këtë javë, ka vendosur të aktivizojë dy prej fermereve, Nur dhe Nenna,  mbledhjen e vezëve nga kotecat e pulave.

“Jam me vajzat e mia këtu,” tha Ylli me batutë, teksa shoqëronte Nurin dhe Nennën gjatë misionit të tyre. Ndërkohë, duke qenë se Nenna është fermere e re, Ylli shfrytëzoi rastin për t’i sqaruar më shumë nga rregullat dhe mënyrat e funksionimit në fermë. Në anën tjetër, Big Mama ishte angazhuar në kuzhinë, ku po përgatiste ushqimin për të gjithë fermerët, si gjithmonë me përkushtim e energji. Ajo u ndihmua më vonë edhe nga Nur, e cila pasi përfundoi me vezët, iu bashkua për të kontribuar edhe në gatim.

Ndërkohë, në verandën e fermës u shfaq një moment më reflektues. Alba, e ulur pranë Yllit dhe Big Bastës, i kërkoi ndjesë kryefermerit për mospërfshirjen e saj aktive në detyrat e ditës.
Ylli e dëgjoi me vëmendje dhe e këshilloi sinqerisht: “Mos u ndiko nga njerëzit e tjerë. Ti krijon inat dhe pastaj nuk kryen detyrat. Mos lejo askënd të të ulë ritmin.”