E njohur për shpirtin e saj energjik dhe dëshirën për skenën, kryefermere Ester solli sot një nga ato momente që e bëjnë Ferma VIP të papritur dhe argëtuese. Në një pasdite që nisi si çdo tjetër, shtëpia e Njishit u kthye në një mini-skenë personale, ku Ester nisi të kërcente dhe këndonte para pasqyrës, duke dhuruar një performancë plot vetëbesim dhe stil.

E veshur me një kombinim që theksonte sharmin dhe energjinë e saj, Ester nisi të improvizonte me lëvizje ritmike, ndërsa buzëqeshte para pasqyrës dhe herë pas here këndonte ndonjë varg këngësh. Me lëvizjet e saj elegante dhe karizmën karakteristike, ajo krijoi një atmosferë që nuk kaloi pa u vënë re nga fermerët e tjerë.

Për pak minuta, rutina e fermës u ndërpre nga ajo që mund të quhet “shoë personal i Esterit”, një përzierje kërcimi, lozonjarie dhe vetëbesimi që rrallëherë shihet në kushtet e jetesës së përbashkët.

Ky moment tregoi edhe një herë se Ester nuk e humbet kurrë dëshirën për të qenë në qendër të vëmendjes, dhe se për të, çdo hapësirë mund të kthehet në skenë, madje edhe pasqyra e Njishit.

Kohët e fundit, me energjinë që po transmeton, duket se ajo ka ende shumë për të dhuruar.