Ndërsa mesdita sjell zakonisht momente qetësie dhe bashkëbisedimi në verandën e fermës, sot ajo u kthye në një skenë të mbushur me emocione të forta. Teksa qëndronte vetëm në cepin e verandës, fermerja Elinara ka pasur një çast dobësie dhe ka shpërthyer në lot  një shpërthim që rrëfeu sa i vështirë mund të jetë izolimi në fermë, larg familjes dhe njerëzve të dashur.

E para që vuri re gjendjen e saj ishte Alba, e cila u afrua menjëherë dhe e përqafoi fort, duke e pyetur me kujdes se çfarë po ndodhte. Mes lotësh dhe emocionit të thellë, Elinara tha fjalët që prekën zemrat e të gjithëve: “Kam ditëlindjen e mamit sot… është shumë e sëmurë.”

Në ato momente të ndjera, Ester u bashkua me vajzat, duke i qëndruar pranë Elinarës dhe duke dërguar një urim të ngrohtë nga zemra për nënën e saj, përmes ekranit. Ky gjest i vogël, por i mbushur me ndjenjë, solli një përqafim simbolik mes distances dhe dashurisë familjare.

Elinara nisi të rrëfente Albës për marrëdhënien e ngushtë që ka me nënën e saj, për sakrificat e saj të panumërta dhe për mallin e madh që ndjen në këtë ditë të veçantë. Ishte një çast që tregoi brishtësinë njerëzore pas rutinës së punëve, kamerave dhe sfidave. Për të mos e lënë vetëm në këtë moment emocional, përkrah tyre u afrua dhe fermeri Erandi, i cili, me fjalë të ngrohta dhe mbështetëse, u bashkua me vajzat për t’i qëndruar pranë Elinarës. Gjatë atyre minutave, veranda nuk ishte thjesht një hapësirë e fermës u kthye në një vend zemrash të bashkuara. Ky moment vërtetoi edhe njëherë se, më shumë se lojë apo garë, ferma është një përvojë njerëzore, ku ndahen emocione reale dhe ku lidhjet lindin aty ku ndoshta nuk priten.