“Ferma VIP” nuk është vetëm përballje dhe sfida, por ka edhe momente të ëmbla dhe plot ndjesi që i bëjnë fermerët të tregojnë anën e tyre më njerëzore. Një nga këto çaste u regjistrua së fundmi, kur Elinara mori përsipër të kujdesej për Dardanën, qenin e dashur dhe shumë të zgjuar të Fermës.

Elinara vendosi ta lajë Dardanën, duke i ofruar atij një pastrim të mirë pas ditësh të tëra loje dhe pluhuri në oborrin e Fermës. Por procesi nuk ishte aspak i lehtë, pasi Dardana edhe pse një qen shumë inteligjent dhe bashkëpunues kishte momentet e tij të lëvizjes dhe kërkonte pak mbështetje shtesë.

Ishte Big Basta, i cili pa hezituar i erdhi në ndihmë fermeres, duke mbajtur Dardanën që Elinara të mund ta lante më lehtë.

Momente nga skena:

Elinara e qeshur dhe e përkushtuar, përpiqej ta pastronte Dardanën me shumë kujdes duke e fëkuar me shampo dhe duke i hedhur ujë për ta shpëlarë.
Dardana, qeni i fermës, si gjithmonë tregoi zgjuarsi dhe durim, por edhe doza të vogla lozonjare teksa bënte dush. Ndërsa, Big Basta, me humorin e tij karakteristik, e mbajti Dardanën teksa e përkëdhelte dhe e fërkonte duke ndihmuar fermeren.

Ky moment i thjeshtë, por shumë i ndjerë, tregoi lidhjen që fermerët po krijojnë me kafshën më të dashur të fermës. Dardana është kthyer tashmë në një nga “fermerët” më të dashur nga publiku, për zgjuarsinë, sjelljen e butë dhe ndërveprimin e tij me të gjithë.