Sot, fermerët kanë vendosur të bëjnë diçka ndryshe. Në një ditë të zakonshme punësh, Nenna ka marrë një vendim të veçantë të përgatisë Fli, një gatim tradicional i njohur, që do t’u sjellë të gjithëve shije dhe ngrohtësi.

Meqenëse ky gatim kërkon kohë dhe mund, Andrea dhe Andueli janë angazhuar të ndihmojnë fermeren në një detyrë të rëndësishme me  prerjen e druve për të ndezur zjarrin.

Gjatë kësaj periudhe, ndodhi një moment i papritur dhe i qeshur. Andueli, duke sjellë drutë, u rrëzua dhe për ta lehtësuar situatën, Andrea nuk nguroi të bënte një batutë të thjeshtë: “Këtë ja bëra kastile!” një shaka që solli të qeshura midis të gjithëve.

Pas kësaj, djemtë u përpoqën të vendosnin drutë për zjarrin, duke u munduar të kapnin ritmin e duhur. Ndërkohë, Ester, me një buzëqeshje, vazhdonte të këndonte këngë, duke kontribuar në atmosferën e ngrohtë dhe miqësore që ishte krijuar.

Në fund, me bashkëpunimin e të gjithëve, arritën të ndezin zjarrin, dhe Nenna mundi të fillonte përgatitjet për të bërë Fli.