Në reality-show-n “Ferma VIP”, marrëdhënia mes Albës dhe Limit po shkon gjithnjë e më shumë përtej miqësisë. Pas netëve të kaluara në të njëjtin krevat, këtë herë dyshja ka zgjedhur të ndajë edhe dushin së bashku, duke sjellë një ndër momentet më intime dhe të komentueshme të edicionit deri më tani. Alba u fut e para në dush, ndërsa pak minuta më pas iu bashkua edhe Limi. Të dy janë parë duke qeshur, ngacmuar dhe shkëmbyer përkëdhelje në një atmosferë të ngrohtë dhe të afërt, që nuk i shpëtoi syrit të kamerave. Disa banorë e konsiderojnë marrëdhënien e tyre si të sinqertë, ndërsa të tjerë mendojnë se ajo është e ndërtuar për strategji loje dhe vëmendje, duke sjell kështu dinamika dhe përçarje. Pritet të shihet nëse ky afrim do të ndikojë edhe në vendimet strategjike të çiftit brenda fermës apo do zhvillohet edhe më tej.