Çlodhje pas punëve në fermë  Big Basta dhe Andrea shijojnë muzikën në verandë. Pas një paradite të mbushur me punë dhe përkujdesje ndaj kafshëve, Big Basta ka zgjedhur të marrë pak kohë për vete, duke u çlodhur në verandën e fermës. Në atë atmosferë të qetë dhe të mbushur me natyrë, ai ka gjetur momentin ideal për reflektim dhe relaks.

Pak më vonë, Andrea i është bashkuar, dhe të dy fermerët kanë nisur një bisedë të qetë e miqësore, ndërsa në sfond dëgjohej një përzgjedhje e kujdesshme muzikore  e vendosur nga vetë Aga, i cili duket se ka marrë rolin e “DJ-it” të mëngjesit në fermë.

Muzika, natyra dhe miqësia kanë krijuar një atmosferë perfekte, ku Big Basta dhe Andrea kanë ndarë mendime, reflektime e ndoshta edhe emocione të akumuluara gjatë qëndrimit në fermë.

Ky moment i thjeshtë, por i ngrohtë, ka treguar një tjetër anë të fermerëve larg zhurmës së garës, afër vetes dhe njëri-tjetrit.