Një moment i paharrueshëm dhe i mbushur me emocion ka ndodhur në Fermën VIP. Një dron ka fluturuar mbi Fermë dhe ka sjellë një mesazh të veçantë për Esterin: “Një princeshë ka bota, ajo e ka emrin Ester”. Ky mesazh emocionoi kaq shumë Esterin, saqë ajo tha se nuk e dinte se kush e kishte dërguar, por ndjehej jashtëzakonisht e emocionuar.

Për më tepër, Andueli, i cili ka qenë gjithmonë i shtruar me batuta, e ngacmoi Esterin, duke e pyetur se kush mund ta kishte sjellë këtë dron, ndërsa theksoi se është dërguar dhe një “zemër e kuqe”. Esteri i dha përgjigje fermerëve, duke thënë se vëllezërit e saj janë ata që e quajnë princeshë dhe mendon se e kanë dërguar këtë mesazh plot dashuri.

Ndërkohë, Erandi i bëri një pyetje tjetër Esterit: “Kush të thotë princeshë?” Ajo përgjigjet me thjeshtësi: “Vëllezërit e mi”. Dhe, pa hezitim, fermerët e përqafuan me ngrohtësi, duke e mbështetur në çdo moment të sajin.

Në mes të këtij momenti emocionues, Esteri tha: “Faleminderit shumë, ju dua shumë kushdo që e ka dërguar. Të dua”.

Andueli dhe Andrea e shprehën mirënjohjen e tyre për mesazhin, duke falenderuar Donaldin dhe Gertin për dronin me zemër të kuqe që e kanë sjellë. Ata i siguruan vëllezërit e Esterit se e kanë motrën në duar të sigurta.

Por, një detaj intrigues që doli nga ky moment i bukur ishte se dy nga fermerët, Andueli dhe Andrea, mund të kenë qenë në dijeni të një lidhjeje të mundshme të Esterit jashtë Fermës. Falënderimet që ajo bëri për vëllezërit e saj, duket se ishin vetëm për “sy e faqe”, duke sugjeruar një histori tjetër që mund të mos lidhet vetëm me Fermën.

E gjithë kjo ka lënë pas një atmosferë të ngrohtë dhe të dashur, por me një dozë misteri që ka ngritur pyetje tek shikuesit. Po, me të vërtetë, kush është ai që ka dërguar këtë mesazh, dhe çfarë po ndodh jashtë Fermës VIP?