Rikthehemi dhe sonte në Ferma Vip 2 në një spektakël plot me energji dhe surpriza.

Në spektaklin prime të së premtes, moderatorja Luana Vjollca surprizoi fermerët dhe publikun duke dhënë një nga njoftimet më të shumëpritura të sezonit: nata finale është pranë! Me emocionin që rritet nga dita në ditë, gara hyn në një fazë kritike ku çdo lëvizje ka rëndësi dhe çdo vendim mund të ndryshojë rrjedhën e lojës.

Një tjetër zhvillim i rëndësishëm i mbrëmjes ishte eliminimi i Frederikut, i cili në momentet e fundit të qëndrimit të tij në Fermë, vendosi t’i kalojë drejtimin e punëve Anduelit duke e zgjedhur si kryefermer.

Andueli në rolin e tij është treguar i matur dhe ka ndarë detyrat në mënyrë të barabartë dhe të drejtë, duke fituar njëfarë respekti nga pjesa më e madhe e grupit.

Ndërkohë, një tjetër lajm pozitiv për fermerët ishte buxheti 70%, që u konsiderua si një mundësi e artë për të përmirësuar kushtet në Fermë, veçanërisht pas një jave të lodhshme dhe me shumë sfida.

Për të mbajtur gjallë shpirtin e lojës, Agai ka organizuar sfida dhe lojëra kreative, që jo vetëm kanë testuar kapacitetin dhe bashkëpunimin mes fermerëve, por edhe kanë sjellë një atmosferë dinamike dhe energji pozitive në fermë. Edhe këtë herë debatet dhe keqkuptimet me njëri-tjetrin nuk kanë munguar.

Temperaturat e larta dhe ardhja e verës kanë sjellë ndryshime të ndjeshme edhe në ritmin e lojës. Të ndarë në dy grupe, fermerët ndërtuan dy ambiente të veçanta: një pishinë dhe një kamping, në një sfidë që përveç punës, u shoqërua me shumë argëtim, kreativitet dhe humor.

Por ndërsa finalja afrohet, loja bëhet më e mprehtë dhe pyetjet shtohen:
Cilat do të jenë formulat surprizë të Agait këtë javë?
Çfarë pushteti do të ketë publiku në javët e fundit të lojës?
Kush do të qëndrojë deri në fund dhe kush do të largohet në momentet më vendimtare?

Për të mos humbur asnjë moment të këtij Prime-i plot drama, emocion dhe surpriza, qëndroni me ne dhe ndiqni spektaklin që po mban të gjithë Shqipërinë në ankth!

Nën moderimin e moderatores bukuroshe Luana Vjollca dhe dy opinionistëve “pikantë” Zhaku dhe Kastro, na ndiqni live në ekranin e Vizion Plus dhe në dy kanale të dedikuara në Tring, Ferma Vip 1 dhe Ferma Vip 2, si dhe në You Tube Ferma VIP Albania Live.

Qëndroni pas ekranit njerëz, nata e 19-të live e Ferma VIP 2 po fillon tani…