Pas përzgjedhjes së tij si kryefermer gjatë spektaklit Prime të mbrëmjes së kaluar, Andrea ka nisur menjëherë të zbatojë autoritetin e tij në fermë. Me një qasje të drejtpërdrejtë dhe të organizuar, ai ka ndarë punët për grupin humbës të sfidës së enëve prej balte, duke i vënë ata në detyra konkrete që duhet të kryejnë gjatë ditës.

Në fokus të urdhrit të parë nga kryefermeri ishte puna në stallë dhe në serë. Andrea caktoi Erandin, Big Bastën dhe Yllin për të kryer këto detyra. Treshja është nisur menjëherë drejt sektorëve përkatës, ku çdo njëri ka marrë përsipër pjesën e tij të përgjegjësisë.

Me humorin dhe batutat që e karakterizojnë, Erandi është nisur drejt kafshëve, ku ka ndalur si fillim tek Ozi  gomari i fermës. Ai është parë duke e përkëdhelur Ozin me fjalë të ëmbla dhe një kujdes të veçantë, duke krijuar një moment të ngrohtë.

Ndërkohë, Big Basta dhe Ylli janë përqendruar në pastrimin e stallave dhe ushqimin e kafshëve. Me angazhim dhe bashkëpunim, ata kanë nisur detyrat me përkushtim, duke treguar gatishmëri për të ndihmuar në mbarëvajtjen e jetës në fermë.

Kjo lëvizje e parë nga Andrea si kryefermer duket premtuese  puna është ndarë qartë, ritmi është vendosur, dhe harmonia ende po ruhet.