Pas emocioneve të mëdha dhe surprizave që solli dita, fermerët në fermë nuk kanë ndalur ritmin. Të gjithë janë rikthyer në punë, duke vazhduar me detyrat e ndara sipas urdhrit të Agait për mbushjen e gropave me beton. Bashkëpunimi dhe energjia pozitive janë ndjerë kudo, ndërsa secili fermer është përfshirë në mënyrë aktive në përmbushjen e misionit.

Andrea, Big Mama dhe Nenna janë përqendruar në një nga pjesët më të rëndësishme të punës: sistemimin e gropave dhe mbushjen e tyre me llaç. Me përpikëri dhe koordinim, ata kanë marrë përsipër të sigurojnë që çdo detaj të jetë në vendin e vet. Ndërkohë, vajzat e fermës kanë marrë përsipër një detyrë fizikisht më të lodhshme  transportimin e karrocave të mbushura me llaç. Me forcë dhe vendosmëri, ato po e ndihmojnë Andrea të kryejë mbushjen e gropave.

Humori nuk ka munguar as në këtë pjesë të ditës. Erandi, duke parë përkushtimin e Andreas dhe mënyrën profesionale si po punonte, nuk nguroi të bëjë batutë: “Mos ke punuar furraxhi ti, vllai?” Andrea iu përgjigj menjëherë: “Kam punuar ndërtim.” Ky shkëmbim solli të qeshura mes fermerëve, duke lehtësuar atmosferën e lodhjes. Të gjithë fermerët janë të përfshirë plotësisht në detyrat e tyre. Puna ecën përpara, dhe bashkëpunimi duket më i fortë se kurrë.