Teksa puna në fermë po vazhdon me intensitet, pas urdhrit të Agait për të mbushur gropat pas punës me beton, fermerët janë angazhuar në një bashkëpunim të plotë. Ndarja e roleve ka ndihmuar në rrjedhshmërinë e procesit dhe atmosfera është përmirësuar dukshëm. Por mes gjithë këtij përkushtimi, një moment i veçantë ka ndalur gjithçka për pak çaste.

Një dron është shfaqur mbi fermë, duke mbajtur një pankartë me mbishkrimin motivues: “Rruga drejt fitores”. Këtë herë, mesazhi ishte për fermerin Limi, i cili u suprizua nga vëllai i tij përmes kësaj mënyre të veçantë. Reagimi i Limt ishte i menjëhershëm  një përzierje emocionesh dhe gëzimi që nuk u fsheh dot. Fermerët e tjerë reaguan me duartrokitje dhe mbështetje, duke e përqafuar Limin dhe duke i dhënë zemër. Ky moment jo vetëm që e emocionoi atë personalisht, por riktheu edhe më shumë ndjenjën solidaritetit në fermë.

Pas këtij çasti të ndjerë, puna vazhdoi me qetësi dhe ritëm të mirë. Fermerët u kthyen te detyrat e tyre përgatitja e betonit, mbushja e gropave dhe koordinimi mes tyre  duke treguar përkushtim dhe një frymë bashkëpunimi që dita-ditës po bëhet më e fortë.