Pas urdhrit të Agait të mbërritur përmes një zarfi në fermë, fermerët nuk kanë humbur kohë dhe janë vënë menjëherë në lëvizje. Detyra ishte e qartë: të prodhojnë beton dhe ta përdorin për të mbushur gropat që ndodhen pas skenës së re, duke siguruar që niveli i mbushjes të jetë i rregullt dhe i njëtrajtshëm.

Fermerët treguan organizim dhe bashkëpunim që nga momenti i parë. Me iniciativë të lartë dhe përvojë të dukshme, Andrea mori frenat e drejtimit të kësaj pune. Ai organizoi ekipin dhe vuri në lëvizje të gjithë fermerët me qetësi. Në përgatitjen e betonit, Limi dhe Alba ishin përgjegjës për përzierjen e përbërësve. Alba, Andueli dhe Big Basta mbushnin betonjeren me zhavorr, ndërsa Limi kujdesej për rrotullimin e saj. Në anën tjetër, Nur dhe Nenna kishin marrë përsipër furnizimin me ujë, duke mbushur kovat për përzierje. Betoni i përgatitur mbushej në karroca, të cilat transportoheshin nga Andueli drejt gropave, ku po zhvillohej hedhja. Çdo fermer kishte një rol dhe të gjithë po  kontribuonin duket sikur kjo punë i vendosi në lëvizje fermerët.