Pas një mëngjesi të ngarkuar me debate dhe tensione, një moment i papritur dhe emocional ndryshoi atmosferën në fermë. Teksa dita po vazhdonte, një dron zbret mbi fermë me një mesazh të veçantë  këtë herë për fermerin Ylli. Mesazhi ishte dërguar nga familjarët e tij dhe shoqërohej me një foto të nënës së tij, një figurë shumë e rëndësishme për të. Pasi pa dronin dhe mori mesazhin, Ylli doli menjëherë jashtë, i pushtuar nga emocione dhe kureshtje. Mesazhi që lexoi ishte i thjeshtë, por tepër domethënës: “Mos u dorëzo, jemi me ty.”

Fermerët e tjerë, të prekur nga ky moment i ndjerë, e rrethuan Yllin me përqafime dhe fjalë të ngrohta. “Po ti i paske ngja mamit,” tha Nenna , duke shkaktuar një buzëqeshje mes lotësh. Ishte një çast që riktheu ndjenjën e bashkimit në fermë, duke treguar se, përtej debateve dhe sfidave, banorët ndajnë emocione të vërteta. Ky mesazh nga qielli i dha Yllit jo vetëm mallin e familjes, por edhe forcë të re për të vazhduar. Ai përshëndeti familjen përmes kamerës, i përfshirë nga mirënjohja dhe dashuria.