Një mëngjes ndryshe ka zbardhur në fermë, ku dinamika mes fermerëve po ndryshon çdo ditë pas sfidave dhe vendimeve strategjike. Pas humbjes në sfidën e fundit, katër fermerë Ester, Elinara, Frederiku dhe Erandi  janë transferuar në shtëpinë e fakirit, ku kushtet janë shumë më të vështira se në pjesën tjetër të fermës.

Fermerët e “fakirit” janë zgjuar herët për të përballuar një tjetër ditë të rëndë. Përkundër mungesës së komoditetit, ata janë përpjekur të ruajnë pozitivitetin. Përgatitja e kafes dhe mëngjesit në kushte modeste është shndërruar në një moment bashkimi.

Pas eliminimit të Ronit në prime-n e mbrëmshme, ai vendosi t’ia besojë detyrën e kryefermerit Yllit. Ky i fundit nuk vonoi të marrë në dorë situatën dhe herët në mëngjes u drejtua në shtëpinë e fakirit për të zgjuar Esterin dhe Elinarën. Ndërkohë që fermerët Frederiku dhe Erandi kanë vazhduar duke shijuar kafen të cilën Frederiku përgatiti, duket sikur te shtëpia e fakirëve dita ka nisur e qetë dhe me pozitivitet.