Një darkë u organizua mbrëmjen e sotme nga Agai për dy fermerë. Ishin Limi dhe Ester, dy fermerët që fituan sfidën e qypave dhe Agai i shpërbleu me një “darkë romantike”.

Duket se darka mes të dyve ka shkuar shumë mirë, ndërsa fermerët kanë vendosur të njohin pak më shumë njëri-tjetrin.

Që në momentin kur shkuan te darka, Limi u tregua xhentil me Esterin teksa e ndihmoi edhe të ulej në karrige. Më pas, Limi ka hapur shishen e verës dhe ka provokuar fermeren, ndërsa fjalët e tij ishin “s’ta mbush mendjen”, pyetje kjo e drejtuar në kuadër të xhentilesës.

Sapo filluan të konsumojnë darkën, Esteri ka vënë me shpatulla pas murit Limin, ndërsa e ka pyetur në lidhje me marrëdhënien e tij me Albën.

“Çfarë jeni mo vlla me Albën? Se dje te klipi kishte shumë bipolaritet, tani qeshnit pastaj qanit”, iu drejtua Ester-Limit.

Më pas ajo i tha se Alba është më e përfshirë se ty në këtë marrëdhënie, ndërsa fermeri përforcoi deklaratën e mbrëmjes së djeshme gjatë spektaklit teksa tha se “nuk përshtatemi”.

Përpos bisedave të tjera me pyetje-përgjigje, duket se Limi ka vënë në “shënjestër” Esterin. Gjatë darkës nuk munguan komplimentet, ndërsa fermeri i tha “Je ëndrra e çdo djali”.

“Gjatë kësaj periudhe kam krijuar një super përshtypje për vazjën që je. Lum mami, babi, vëllezërit. Për mendimin tim ti je ëndrra e çdo çuni. Je një vajzë pa vese, shumë e bukur, shumë natyrale, ke shumë gjëra që të bëjnë më të bukur se çdo gjë tjetër”, ishin disa nga fjalët e bukura që Limi i kushtoi Esterit.

Por, a mos po kërkon Limit ë krijojë një histori të re me Ester dhe po tenton të harrojë Albën?

Pjesë nga biseda:

Limi: Do kisha shumë dëshirë të të njihja pak më shumë nga vetja

Ester: Na zure ngushtë, Esterin ti e ke parë si është këtu brenda. Njësoj jam dhe jashtë, as nuk shtirem, kur nervozohem i kam nervat në kulm.

Limi: Je shumë e çiltër, i tregon me mimika

Ester: Po, më tradhëton pak mimika se më kuptojnë direkt njerëzit që i kam përballë, psh kur po gënjej.

Limi: Kjo më pëlqen se është tamam femërore

Ester: Është e mirë deri diku…

Fermerët kanë vijuar të konsumojnë darkën e tyre nën shoqërinë e bisedave interesante që ato kanë zhvilluar me njëri-tjetrin.